خـَـــلاَصْ أَبـَـرْحـَــلْ وَأتـْـــرِكْ الـــدّارْ وَأرْو

السلام عليكم ورحمة الله وبركاته:

خلاص ابرحل واتـرك الـدار وأروح

مـعـاد أبــي دار"ن" ضنيـنـي جـفـاهـا

بـخـاوي القـمـرأ مــع سهـيـل وانــوح

وبمشـي علـى الرمضـاء أدور ثـراهـا

من عقب ريمـه مالـي اليـوم مصلـوح

مـن عقـب ريمـه داري الحـزن جاهـا

لاتشرهون ان شفتو الصـوت مبحـوح

أعوي كما ذيبِ "ن" عوى مـن غلاهـا

وأغلي كما قدرِ "ن" على النار مفيوح

مـاعــاد أبـــي دنـيــاَ تـزايــد عـنـاهــا

وبمشـي مـع العربـان واصيـح وأبـوح

واقـول أنـا ريـمـه غــدت مــن لقـاهـا

وبـقـطـع الضـلـعـان وأقـــدم الـــروح

واعــرف اديــاراَ نــور عيـنـي لفـاهـا

وبـخـاوي العتـبـان وأقــول مـجــروح

وبمـشـي مــع الـمـره أدور اخـطـاهـا

قالـوا تـوصـف قـلـت زيـنـاَ وممـلـوح

مثـل المـهـا فــي زينـهـا فــي حـلاهـا

مثل القمر يفرق على النجـم بوضـوح

سبحان ربِ "ن" فارقِ "ن" في عطاها

قولوا لهـا خلـك تـرى اليـوم مطـروح

قولـوا لـهـا تـرحـم خلـيـلِ "ن" بكـاهـا

قولـوا لهـا خلـك مـع النـاس مفضـوح

كلِ "ن" عـرف عـن علتـه وش بلاهـا

تذكري يومِ " ن " كتبتـي علـى اللـوح

ياجعـل روحــي دون روحــك فـداهـا

تـذكــري يـومــك تقـولـيـن مـصـفـوح

الا عــيــونــك مـاتـحــمــل بــطــاهــا

تكفيـن عـودي وقولـي اليـوم مسمـوح

تكـفـي عيـونـي جـفـت الـيــوم مـأهــا

وإن مارجعـت خلونـي اليـوم مـذبـوح

يكفينـي إنــي مـيـتِ "ن" فــي هـواهـا

_________________

زائر

تكـفـي عيـونـي جـفـت الـيــوم مـأهــا

وإن مارجعـت خلونـي اليـوم مـذبـوح

الله الله والكلام الحلو

عطاك الف عافيه